#162_ta_eng_muhim_qonun #deputatlik_nazorati_Uchtepa

SUN’IY INTELLEKT VA ZAMONAVIY KUZATUV TIZIMLARI — FARXOD DEHQON BOZORIDA XAVFSIZLIKNI TA’MINLASH OMILI

🇺🇿 O‘zbekiston Respublikasining 2000-yil 26-maydagi 80-II-sonli “Fuqaro muhofazasi to‘g‘risida”gi Qonuni ijrosini o‘rganish va nazorat qilish doirasida xalq deputatlari Uchtepa tumani Kengashi deputatlari Kimyo Abdullayeva va Saodat Malikova tomonidan Farxod dehqon bozorida tashkil etilgan vaziyatlar markazi faoliyati bilan tanishildi.

🧠 O‘rganish davomida vaziyatlar markazining faoliyati, bozordagi holatni kuzatish, xavfsizlikni nazorat qilish hamda favqulodda vaziyatlarning oldini olishda zamonaviy axborot texnologiyalari va sun’iy intellekt imkoniyatlaridan foydalanish masalalariga e’tibor qaratildi.

🔴 Xususan, videokuzatuv tizimlari orqali hududdagi vaziyatni tezkor kuzatish, ehtimoliy xavf-xatarlarni erta aniqlash, mas’ul xodimlarning tezkor munosabatini ta’minlash va zarur hollarda tegishli xizmatlar bilan axborot almashinuvini takomillashtirish imkoniyatlari muhokama qilindi.

📁 Shuningdek, O‘zbekiston Respublikasining “Fuqaro muhofazasi to‘g‘risida”gi Qonunining 9-moddasida belgilangan vakolatlar, 10-moddasida mahalliy davlat hokimiyati organlarining fuqaro muhofazasi sohasidagi vazifalari hamda 20-moddasida nazarda tutilgan fuqaro muhofazasi tuzilmalari faoliyatiga oid masalalar e’tiborga olindi.

⏫️ O‘rganish jarayonida bozor hududida aholi va tashrif buyuruvchilar xavfsizligini ta’minlash, favqulodda vaziyatlar yuzaga kelganda fuqarolarni xavfsiz joyga yo‘naltirish, yong‘in va boshqa xavfli holatlarning oldini olish bo‘yicha mavjud imkoniyatlar ham ko‘rib chiqildi.

💹 Sun’iy intellektga asoslangan texnologiyalarni tegishli tartibda joriy etish orqali kuzatuv jarayonlarini takomillashtirish, xavfli vaziyatlarni tezroq aniqlash va mas’ul xizmatlar faoliyati samaradorligini oshirish mumkin. Bunda inson nazorati, shaxsiy ma’lumotlarni himoya qilish va qonunchilik talablariga rioya etish muhim ahamiyatga ega.