✅ Xalq deputatlari Boysun tumani Kengashi raisi B.K. Haitov Boshrabot mahallasida bo‘lib, Yomchi ko‘chasida asfaltlashdan oldin amalga oshirilayotgan shag‘allash va yo‘l asosini tayyorlash jarayonlarini ko‘zdan kechirdi.

✅ Ma’lumot uchun, xalq deputatlari Boysun tumani Kengashining 2026 yil 3 martdagi VII-20-18-8-110-K/26-sonli qarori bilan tasdiqlangan manzilli dasturda Boshrabot mahallasida yo‘l infratuzilmasini yaxshilashga qaratilgan bir qator ishlar belgilangan.

Xususan:

🔹 75V031 avtomobil yo‘lining 4,5 km qismini asfaltlash uchun 2,5 mlrd so‘m mablag‘ nazarda tutilgan; ishlar 2-bosqichda amalga oshirilishi belgilangan.

🔹 Boshrabot mahallasida Tadbirkorlar, Yomchi, Tong yulduzi, Navbahor, Guliston, Lokomotiv va Ziyoli qishloq ko‘chalari aholisi uchun qulaylik yaratish loyihasi doirasida jami 1 mlrd 505 mln so‘mlik ishlar rejalashtirilgan.

Shundan:

➡️ 0,8 km yo‘lga asfalt yotqizish — 400 mln so‘m;

➡️ 1,7 km ichimlik suv tarmog‘ini tortish — 600 mln so‘m;

➡️ 25 dona tungi yoritish chiroqlari — 50 mln so‘m;

➡️ 87 dona beton tayanch ustun o‘rnatish — 195 mln so‘m;

➡️ 1,7 km elektr tarmog‘i tortish — 260 mln so‘m.

✅ Kengash raisi tomonidan ishlar sifati, yo‘l asosining belgilangan me’yorlarga muvofiq tayyorlanishi va keyingi asfaltlash ishlarining sifatli bajarilishiga alohida e’tibor qaratildi.

✅ Bu kabi nazorat tadbirlari aholi uchun qulay, xavfsiz va sifatli yo‘l infratuzilmasini yaratishga qaratilgan loyihalarning belgilangan muddat va talablar asosida amalga oshirilishini ta’minlashga xizmat qiladi.

Slide 1 of 4