#Komissiya_nazorati #haftalik_ish_reja_doirasida #Open_byudjet #ekspert_guruhlari

251-SONLI DMTTDA MUHIM TA’MIRLASH ISHLARI JARAYONI O‘RGANILDI

🔎 2026-yil “Tashabbusli byudjet” jarayonining I mavsumida g‘olib bo‘lgan loyiha doirasida 251-sonli davlat maktabgacha ta’lim tashkilotida amalga oshirilayotgan ta’mirlash ishlari joyiga chiqqan holda o‘rganildi.

🕯 Mazkur loyiha doirasida DMTTning tashqi va ichki sovuq suv hamda oqova suv kommunikatsiya quvur tarmoqlarini ta’mirlash, barcha hojatxonalar, kanalizatsiya tizimi va yerto‘la quvurlarini ta’mirlash, shuningdek, binoni o‘rab turuvchi devorlarning ta’mirtalab holatga kelgan qismlarini ta’mirlash ishlari amalga oshirilishi belgilangan.

⏫️ O‘rganish davomida kommunikatsiya tarmoqlarining holati, hojatxonalar va kanalizatsiya tizimining amaldagi ahvoli, yerto‘la quvurlarining sozligi hamda bino atrofidagi devorlarning ta’mirtalab qismlari ko‘zdan kechirildi. Bajarilayotgan ishlarning loyiha hujjatlariga muvofiqligi va sifat ko‘rsatkichlariga alohida e’tibor qaratildi.

📝 Shuningdek, ta’mirlash jarayonida aniqlangan ayrim kamchiliklarni bartaraf etish, bajarilishi lozim bo‘lgan qo‘shimcha ishlarni sifatli amalga oshirish hamda obyektni belgilangan talablar asosida yakunlash yuzasidan pudratchi tashkilot mas’uliga tegishli topshiriq va ko‘rsatmalar berildi.

📆 Ta’mirlash ishlarini sifatli va belgilangan muddatlarda yakunlash, maktabgacha ta’lim tashkilotida tarbiyalanuvchilar uchun xavfsiz, qulay va sanitariya talablariga javob beradigan sharoitlarni ta’minlash masalalariga alohida e’tibor qaratildi.

💼 O‘rganish jarayonida xalq deputatlari Uchtepa tumani Kengashi raisi Jafar Ismanov boshchiligida, Kengash kotibiyati mudiri Anvar Usmanov, kotibiyat bosh mutaxassisi Umidbek Abilov hamda ekspert guruhi a'zolari ishtirok etdi.