Xalq deputatlari Taxiatosh tumani Kengashi kotibiyati mudiri, O‘zbekiston Ekologik partiyasidan saylangan deputat Matniyazov Akbar Qadirovich tuman hokimining o‘rinbosari A.Xudaybergenov bilan birgalikda 4-sonli maktabdagi “Jasorat sinfi” faoliyati uchun yaratilgan sharoitlarni o‘rgandi.

O‘rganish davomida “Jasorat sinfi” oldida barpo etilayotgan sport maydoniga alohida e’tibor qaratilib, qurilishning amaldagi bosqichi, bajarilayotgan ishlar va hududdan samarali foydalanish imkoniyatlari ko‘zdan kechirildi.

Mazkur maydonning foydalanishga topshirilishi o‘quvchilarning jismoniy tayyorgarligini oshirish, sport mashg‘ulotlarini muntazam tashkil etish hamda “Jasorat sinfi” o‘quvchilari uchun qo‘shimcha imkoniyatlar yaratishga xizmat qiladi.

📋 Deputat tomonidan qurilish ishlarining sifatli bajarilishi va belgilangan talablar asosida tashkil etilishi yuzasidan mas’ullar bilan fikr almashildi.