Kotibiyat xodimlari va deputatlar faoliyati muhokama qilindi

Xalq deputatlari Termiz tuman Kengashi Kotibiyati mudiri A. Avliyakulov tomonidan Kotibiyat xodimlari ishtirokida yig‘ilish o‘tkazildi.
Yig‘ilishda o‘tgan hafta davomida amalga oshirilgan ishlar, deputatlar faoliyatini tashkiliy jihatdan ta’minlash, erishilgan yutuqlar hamda mavjud kamchiliklar atroflicha muhokama qilindi.

Shuningdek, deputatlarning saylov okruglarida olib borayotgan ishlari, fuqarolar bilan uchrashuvlari, murojaatlarni o‘rganish, muammolarni joyiga chiqqan holda aniqlash va ularning yechimi yuzasidan olib borilayotgan ishlarni tizimli tashkil etish masalalariga alohida e’tibor qaratildi.

Kunlik vazifalar va navbatdagi ustuvor topshiriqlar belgilab olinib, deputatlar faoliyatini axborot va tashkiliy jihatdan samarali yoritish, berilgan topshiriqlar ijrosini nazorat qilish hamda murojaatlar bilan ishlash samaradorligini oshirish bo‘yicha tegishli vazifalar belgilandi.

Yig‘ilish yakunida har bir xodimga o‘ziga biriktirilgan vazifalarni o‘z vaqtida va sifatli bajarish, mavjud kamchiliklarni bartaraf etish hamda Kengash faoliyatini yanada tizimli tashkil etish yuzasidan aniq topshiriqlar berildi.