Xalq deputatlari Qo‘qon shahar Kengashiga 21-“Urganjibog‘” saylov okrugidan saylangan deputat M.Azimovning saylov okrugi hududidagi “Urganjibog‘” mahalla fuqarolar yig‘inida Xalq deputatlari Qo‘qon shahar Kengashi kotibiyati mudiri A.Nosirov tomonidan olib borilgan o‘rganish ishlari davomida fuqarolarning murojaatlari ham o‘rganildi.

Xususan, mazkur mahalla fuqarolar yig‘ini hududidagi Zargarlik ko‘chasi 20-uyda yashovchi fuqaro Abduraxmonova Oyshaxon o‘g‘li Abduraxmonov Murodjonga nisbatan sud tomonidan tayinlangan ozodlikni cheklash jazosini qonunchilikda belgilangan tartibda boshqa jazo turiga o‘zgartirish masalasida amaliy va huquqiy yordam so‘rab murojaat qildi.

Mazkur murojaat joyiga chiqqan holda atroflicha o‘rganildi. Fuqaroga mavjud tartib-taomillar yuzasidan huquqiy tushuntirishlar berish, shuningdek, masalani vakolatli tashkilotlar bilan hamkorlikda qonunchilik doirasida ko‘rib chiqish bo‘yicha kelishib olindi.

Shu bilan birga, “mahalla yettiligi” tomonidan tegishli tartibda kafillik va tavsiyalar berish imkoniyatlari ham o‘rganilib, zarur chora-tadbirlarni belgilash masalasi muhokama qilindi.

Mazkur murojaat deputat M.Azimov nazoratiga olinib, fuqaroning murojaatini qonuniy asosda ko‘rib chiqish va zarur huquqiy yordam ko‘rsatish bo‘yicha tegishli ishlarni davom ettirish belgilandi.

Xalq deputatlari Qo‘qon shahar Kengashi