Nurafshonda muhim masalalar deputatlar ishtirokida ko‘rib chiqildi

✅Bugun Nurafshon shahrida Xalq deputatlari Kengashining navbatdagi 26-sessiyasi bo‘lib o‘tdi. Unda kun tartibidan shahar hayotining muhim yo‘nalishlariga oid masalalar o‘rin oldi.

🔘 Jumladan, Nurafshon shahar hokimining 2026-yil 8-iyuldagi 153-10-213-F/26-sonli farmoyishini tasdiqlash hamda uning ilovasiga tegishli o‘zgartirishlar kiritish masalasi ko‘rib chiqildi.

🔘Shuningdek, Ijtimoiy himoya milliy agentligi Nurafshon shahar “Inson” ijtimoiy xizmatlar markazi direktorining 2026-yil I yarim yilligida amalga oshirilgan ishlar yuzasidan hisoboti tinglandi.

Sessiya davomida kun tartibidagi har bir masala deputatlar tomonidan atroflicha muhokama qilinib, tegishli taklif va mulohazalar bildirildi. Shuningdek, sessiya kotibi hamda sanoq komissiyasi raisining xulosalari eshitildi.

🔘Muhokamalar yakuni bo‘yicha shaharni ijtimoiy-iqtisodiy jihatdan yanada rivojlantirish, aholining farovonligi va yashash sharoitlarini yaxshilash, ijtimoiy xizmatlar samaradorligini oshirish hamda amalga oshirilayotgan islohotlarning natijadorligini ta’minlashga qaratilgan tegishli qarorlar qabul qilindi.

🟢Sessiyada belgilangan vazifalar ijrosini ta’minlash, shuningdek, qabul qilingan qarorlarning amaliy natijadorligini oshirish yuzasidan mas’ullarga tegishli topshiriq va tavsiyalar berildi.