#biriktirilgan_tashkilot 🎵 MUSIQA VA SAN’AT MAKTABI FAOLIYATI O‘RGANILDI
Xalq deputatlari Pastdarg‘om tumani Kengashi doimiy komissiyalari hamda ularga biriktirilgan tashkilotlar o‘rtasida hamkorlik ishlari izchil davom ettirilmoqda.
Jumladan, Ijtimoiy soha, yoshlar siyosati, sport va madaniyat masalalari bo‘yicha doimiy komissiya a’zosi, deputat X.Turdiyev tomonidan tumandagi 11-son Musiqa va san’at maktabining ish faoliyati o‘rganildi.
O‘rganish davomida yangi o‘quv yiliga tayyorgarlik jarayoni, o‘quvchilarni qabul qilish ishlari hamda bolalarning musiqa va san’at yo‘nalishlariga bo‘lgan qiziqishini oshirish borasidagi ishlar bilan tanishildi.
Ma’lum qilinishicha, yangi o‘quv yilidan boshlab mazkur dargohga 7–12 yoshdagi bolalarni qabul qilish yo‘lga qo‘yiladi. Deputat qabul jarayoni, yaratilgan shart-sharoitlar hamda o‘quvchilar uchun mavjud imkoniyatlarni o‘rgandi.
Yosh avlodning iste’dodini yuzaga chiqarish, ularni san’atga keng jalb etish va bo‘sh vaqtini mazmunli tashkil etish masalalari doimiy e’tiborda.
🎼 Iste’dodli yoshlar — yurtimiz kelajagi!