AHOLINING IJTIMOIY MUAMMOLARI O‘RGANILDI

✅ Xalq deputatlari Navoiy shahar Kengashi deputati Xudayqulova Nargiza G‘aybullaevna hamda Kengash kotibiyati bosh mutaxassisi Muborak Astanova tomonidan 14-“Ziyokor” saylov okrugiga qarashli “Bahor” mahallasida ijtimoiy yordamga muhtoj oilalar holidan xabar olindi.

🤝 Tashrif davomida oilalarning yashash sharoiti, kundalik ehtiyojlari va mavjud muammolari o‘rganildi. Fuqarolar bilan suhbatlashib, ularni qiynayotgan masalalar tinglandi.

⚖️ Mazkur ishlar O‘zbekiston Respublikasi Prezidentining 2023-yil 1-iyundagi PF-82-son Farmonida belgilangan aholini ijtimoiy himoya qilish va ehtiyojmand fuqarolarga manzilli yordam ko‘rsatish vazifalariga muvofiq amalga oshirilmoqda.

✅ O‘rganish davomida aniqlangan muammolar yuzasidan tegishli tashkilotlar bilan hamkorlikda amaliy yordam ko‘rsatish va masalalarni ijobiy hal etish bo‘yicha takliflar bildirildi.

💚 Har bir murojaat — e’tiborda, har bir muammo — nazoratda!