O‘zbekiston Respublikasining 2020-yil 23-sentabrdagi O‘RQ-637-son “Ta’lim to‘g‘risida”gi Qonuni talablari ijrosini hududda ta’minlanish holatini o'rganish, ta’lim muassasasida o‘quvchilar uchun yaratilgan shart-sharoitlari bilan yaqindan tanishish hamda mavjud muammolarni aniqlash maqsadida xalq deputatlari Chilonzor tuman Kengashi deputati Mahmudova Donoxon Artikovna tomonidan saylov okrugidagi 128-sonli umumiy o‘rta ta’lim maktabida o‘rganish ishlari olib borildi.

O‘rganish davomida maktabning moddiy-texnik bazasi, o‘quv xonalari va boshqa mavjud infratuzilmaning holati, o‘quvchilar uchun yaratilgan shart-sharoitlar hamda ta’lim jarayonini samarali tashkil etish uchun mavjud imkoniyatlar ko‘zdan kechirildi.

Shuningdek, maktabning pedagogik jamoasi bilan uchrashuv o‘tkazilib, ta’lim jarayoni, o‘qituvchilar faoliyati va ta’lim sifatini yanada oshirish masalalari yuzasidan fikr almashildi. Pedagoglarning fikr-mulohazalari tinglandi.

O‘rganish yakunlari bo‘yicha maktab faoliyatini yanada takomillashtirish, aniqlangan masalalarni bartaraf etish hamda o‘quvchilar uchun qulay va xavfsiz ta’lim muhitini ta’minlash yuzasidan tegishli tavsiya va takliflar bildirildi.

Mazkur o‘rganish ishlari deputatlik nazoratini amalga oshirish, ta’lim sohasidagi qonunchilik talablarining ijrosini o‘rganish hamda saylov okrugi hududidagi ta’lim muassasasida ta’lim sifati va shart-sharoitlarni yaxshilashga qaratilgan.