Markazida inson manfaatlari bo‘lgan izchil siyosat, avvalo, aholi bilan ochiq muloqotni hamda ularni tashvishga solayotgan masalalarni amalda hal etishni taqozo qiladi.

🇺🇿Yunusobod tumani Xalq deputatlari Kengashi deputati, hokimi A. Saidaliyev Mo‘yqo‘rg‘on va Binkat ko‘chalari kesishmasidagi hududga tashrifi chog‘ida aholi bilan suhbatlashib, ularning taklif va istaklari asosida yangi loyihani taqdim etdi. Uchrashuv yakunida bu yerda jamoat eko hududini barpo etish to‘g‘risida qaror qabul qilindi.

✅Bugungi kunga kelib loyiha faol bosqichga o‘tdi: hududni tozalash va maydonni tayyorlash ishlari olib borilmoqda. 2,75 gektar maydonda mavjud yashil hududlarni saqlab qolgan holda kompleks obodonlashtirish va ko‘kalamzorlashtirish ko‘zda tutilgan.

☘️Bu yerga olti turdagi 1 800 tup manzarali daraxt va olti turdagi 3 000 tup buta ekish, gulzorlar, yo‘laklar va dam olish hududlarini tashkil etish, yoritish tizimi, o‘rindiqlar va chiqindi qutilarini o‘rnatish hamda tomchilatib sug‘orish tizimini joriy etish rejalashtirilgan.

👉Yangi yashil hudud aholining fikri va ehtiyojlari hisobga olingan holda yaratilgan qulay, salqin va ekologik toza jamoat maskaniga aylanadi.

Bizni kuzatishda davom eting!