Xalq deputatlari Pastdarg‘om tumani Kengashining navbatdagi sessiyasi kun tartibiga kiritilgan tuman hududlarini ijtimoiy-iqtisodiy rivojlantirishga qaratilgan dasturlar ijrosini samarali nazorat qilish hamda mahallalardagi muammolarni hal etishda tuman Kengashi deputatlarining “mahalla yettiligi” bilan o‘zaro hamkorligi masalasi yuzasidan hududlarda o‘rganishlar olib borilmoqda.

Shu doirada xalq deputatlari Pastdarg‘om tumani Kengashi deputati N.Aliyev tomonidan Paxtakor mahallasida o‘rganish ishlari olib borildi.

O‘rganish davomida mahalladagi mavjud muammolar, aholi murojaatlari, hududning ijtimoiy-iqtisodiy rivojlanishi hamda amalga oshirilayotgan dasturlar ijrosi bilan bog‘liq masalalar ko‘rib chiqildi.

Shuningdek, “mahalla yettiligi” bilan hamkorlikni kuchaytirish, aniqlangan muammolarni manzilli o‘rganish va ularning amaliy yechimini ta’minlash bo‘yicha fikr almashildi.