Xalq deputatlari Chilonzor tuman Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi yig‘ilishi bo‘lib o‘tdi.
Yig‘ilish kun tartibidan “Ochiq budjet” elektron axborot portali orqali 2026-yil 2-mavsumida fuqarolar tomonidan qoldirilgan loyihalarni o‘rganish, baholash, tanlab olish va ijrosini monitoring qilish, shuningdek, Chilonzor tumanini 2026-yilda kompleks ijtimoiy-iqtisodiy rivojlantirish dasturining II chorak yakunlari hamda mahalliy budjetning qo‘shimcha manbalari hisobidan mablag‘larni xarajatlarga yo‘naltirish masalalari o‘rin oldi.
Muhokamalar davomida, ayniqsa, ijtimoiy yo‘nalishlarga oid xarajatlar alohida e’tibor va ko‘plab savollarga sabab bo‘ldi. Deputatlar mablag‘larning qaysi yo‘nalishlarga va qanday mezonlar asosida sarflanayotgani, ajratilayotgan mablag‘larning samaradorligi hamda aholining real ehtiyojlariga qanchalik mos kelayotganini tanqidiy ko‘rib chiqdilar.
Shuningdek, ayrim xarajatlarning zarurati va ustuvorligi yuzasidan mas’ullarga aniq savollar berilib, budjet mablag‘laridan foydalanishda shaffoflik, manzillilik va natijadorlikni ta’minlash zarurligi ta’kidlandi.
Yig‘ilish yakunida aniqlangan masalalar bo‘yicha tegishli taklif va tavsiyalar bildirilib, mas’ullarga kamchiliklarni bartaraf etish hamda belgilangan vazifalar ijrosini kuchaytirish yuzasidan topshiriqlar belgilandi.