Jarayonda xalq deputatlari viloyat Kengashi kotibiyati mudiri Sh.Boyqulov, viloyat Kengashi deputati G.Kravchenya, shahar Kengashi kotibiyati mudiri, deputat A.Ashurov shahar Kengashining "19-Ma'rifat" saylov okrugi deputati A.Mustafakulov, kotibiyat bosh mutaxassisi R.Mamashukurovlar mahalla faollari hamda tegishli mas’ullar ishtirok etdi.

Dastlab, Kadastr agentligining Termiz shahar bo‘limi faoliyati o‘rganilib, hududdagi kadastr masalalari, fuqarolarning murojaatlari va mavjud muammolarga e’tibor qaratildi.

Shundan so‘ng, shahar elektr tarmoqlari korxonasi faoliyati ko‘zdan kechirilib, mahalladagi elektr ta’minoti, mavjud muammolar hamda ularni bartaraf etish bo‘yicha amalga oshirilayotgan ishlar tahlil qilindi.

Shuningdek, “Ma’rifat” mahallasidagi “mahalla yettiligi” faoliyati ham o‘rganildi. Unda aholi bilan ishlash, fuqarolar murojaatlarini ko‘rib chiqish, ijtimoiy masalalarni hal etish, bandlikni ta’minlash va mahallada osoyishtalikni mustahkamlash borasidagi ishlarning samaradorligiga alohida e’tibor qaratildi.

O‘rganishlar davomida aniqlangan masalalar yuzasidan mas’ullarga tegishli tavsiya va topshiriqlar berilib, muammolarni joyida hal etish, aholining qonuniy manfaatlarini ta’minlash hamda xizmatlar sifatini yanada oshirish bo‘yicha vazifalar belgilab olindi.

Bunday sayyor o‘rganishlar hududdagi mavjud muammolarni bevosita joyida aniqlash, mas’ullar faoliyatini muvofiqlashtirish va aholi uchun qulay sharoitlar yaratishda muhim ahamiyat kasb etadi.