Xalq deputatlari Taxiatosh tumani Kengashiga O‘zbekiston “Adolat” sotsial-demokratik partiyasidan saylangan deputat Bekimbetova Sayyara Seytimovna mahallalarda elektr energiyasini tejash, magistral va ichki yo‘llarni zamonaviy hamda energiya tejamkor usulda yoritish masalasini deputatlik nazorati tartibida o‘rganmoqda.

📌 Mazkur yo‘nalish O‘zbekiston “Adolat” SDP Siyosiy Kengashining 2026-yil 23-iyuldagi №01-02/228-sonli xati hamda partiyaning asosiy ish rejasining 16-bandida belgilangan vazifalardan kelib chiqib o‘rganilmoqda.

💡 Asosiy e’tibor — magistral va ichki yo‘llarni quyosh panellari yordamida yoritish tizimini yo‘lga qo‘yish imkoniyati va tumandagi mavjud holatni aniqlashga qaratilgan.
📄 Shu maqsadda Taxiatosh tuman yo‘llardan foydalanish davlat muassasasi direktori U.M.Jumabayevga deputatlik so‘rovi yuborildi.

🔍 Deputatlik so‘rovida Taxiatosh tumanida magistral va ichki yo‘llarni quyosh panellari yordamida yoritish tizimi joriy etilganligi holati hamda bu borada amalga oshirilayotgan ishlar haqida ma’lumot taqdim etish so‘raldi.

🏛 Mazkur masalani o‘rganish natijalarini Xalq deputatlari mahalliy Kengashi doimiy komissiyasi va sessiyasi muhokamasiga kiritish nazarda tutilgan.

⏳ So‘rovda javobni deputatlik so‘rovini olgan kundan boshlab 10 kundan kechiktirmasdan taqdim etish so‘ralgan.