Xalq deputatlari Uchquduq tuman Kengashi kotibiyati bosh mutaxassisi T.Xaydarov tomonidan tumandagi ko‘p qavatli uylarning umumiy holati, xususan, liftlarning ishlash faoliyati hamda podyezdlarning sanitariya va obodonlashtirish holati o‘rganildi.

🔎 O‘rganish davomida ko‘p qavatli uylarda aholiga yaratilgan sharoitlar, liftlarning texnik va ishchi holati, ulardan foydalanishdagi mavjud muammolar, shuningdek, podyezdlarning tozaligi, yoritilishi, eshik va derazalarining holati hamda hududning obodonlashtirilganlik darajasiga e’tibor qaratildi.

🏠 Ma’lumki, ko‘p qavatli uylarda yashovchi fuqarolar uchun qulay va xavfsiz sharoit yaratish, umumiy foydalanish joylarini doimiy ravishda saqlash va ta’mirlash muhim ahamiyatga ega. Ayniqsa, ko‘p qavatli uylarning yuqori qavatlarida yashovchi aholi uchun liftlarning soz va uzluksiz ishlashi kundalik hayotda katta qulaylik yaratadi.

📋 O‘rganish jarayonida aniqlangan kamchilik va muammolar yuzasidan tegishli mas’ullarga tavsiyalar berilib, mavjud muammolarni bartaraf etish, liftlarning texnik sozligini ta’minlash hamda podyezdlarni obodonlashtirish va sanitariya holatini yaxshilash bo‘yicha tegishli choralarni ko‘rish zarurligi ta’kidlandi.

🤝Aholining murojaatlari va takliflarini o‘rganish, ko‘p qavatli uylarda yashovchilar uchun munosib sharoit yaratish hamda hududlarda mavjud muammolarni joyida aniqlab, ularni bartaraf etish borasidagi ishlar davom ettiriladi.