Xalq deputatlari Vobkent tumani Kengashi kotibiyati mudiri M.Naimova, kotibiyat bosh mutaxassisi Sh.Ismatov hamda Kengashning Korrupsiyaga qarshi kurashish va xavfsizlik masalalari boʻyicha doimiy komissiyasi aʼzolari bilan birgalikda Xalq deputatlari Vobkent tumani Kengashining 2026-yil 28-iyuldagi VII-30-70-2-33-K/26-sonli qarori ijrosi yuzasidan oʻrganish olib borildi.

🔍Oʻrganish davomida Oʻzbekiston Respublikasi Prezidentining Vobkent tumanidagi Xalq qabulxonasi tomonidan aholi murojaatlarini koʻrib chiqish, ularning muammolarini aniqlash va hal etish borasida amalga oshirilayotgan ishlar tahlil qilindi.

Maʼlum qilinishicha, 2026-yil II chorak yakuniga qadar Oʻzbekiston Respublikasi Prezidentining Virtual va Xalq qabulxonalari orqali Vobkent tumani aholisidan jami 763 ta murojaat kelib tushgan.

📣Mazkur murojaatlar yuzasidan qayta oʻrganishlar oʻtkazilib, fuqarolar tomonidan koʻtarilgan masalalarni ijobiy hal etish, muammolarning sabablarini chuqur oʻrganish hamda ularning takroran yuzaga kelishining oldini olish borasida tizimli ishlar olib borilmoqda.

💬 Oʻrganish yakunlari boʻyicha murojaatlarda koʻtarilgan masalalarni qonuniy va adolatli hal etish, fuqarolar bilan ishlash samaradorligini oshirish hamda aniqlangan kamchiliklarni bartaraf etish yuzasidan tegishli tavsiyalar berildi.