Deputat Ǵárezsizligimizdiń 35 jıllıǵın múnásip kútip alıwǵa tayarlıq jumısların úyrendi

⚡️ Xalıq deputatları Shımbay rayonlıq Keńesi deputatı G.Bayjanova tárepinen Ózbekstan Respublikası Ǵárezsizliginiń 35 jıllıǵın múnásip kútip alıwǵa qaratılǵan tayarlıq jumısları úyrenildi.

Úyreniw dawamında aymaqtı abadanlastırıw hám kóklemzarlastırıw, kósheler, máhálle hám jámietlik orınlardı tártipke keltiriw, bayram ilajların joqarı dárejede shólkemlestiriw boyınsha ámelge asırılıp atırǵan jumıslar menen tanıstı.

Sonday-aq, bayramdı xalqımızǵa tán joqarı keypiyatta, tınıshlıq hám awızbirshilik ortalıǵında ótkeriw, aymaqlarda sanitariyalıq hám abadanlastırıw jumısların kúsheytiw jáne ilajlar dawamında qáwipsizlik ilajlarına ámel etiw máselelerine itibar qaratıldı.

Deputat tárepinen anıqlanǵan kemshiliklerdi saplastırıw, tayarlıq jumısların sapalı juwmaqlaw hám Ǵárezsizligimizdiń 35 jıllıǵın múnásip kútip alıw boyınsha tiyisli usınıs hám usınıslar bildirildi.