Mustaqilligimizning 35 yilligi munosabati bilan O‘zbekistonda “Mahallada obodlik va mehr-saxovat oyligi” o‘tkazilmoqda.

Xalq deputatlari Mirzo Ulug‘bek tumani Kengashining 22-“Alisherobod” okrugi deputati, O‘zbekiston Xalq demokratik partiyasi a’zosi Gulchexra Axmedova “Alisherobod” mahallasida o‘tkazilgan o‘rganish tadbirlarida bevosita ishtirok etdi.

O‘rganishlar natijasi asosida mahallani yanada obod qilish, ko‘kalamzorlashtirish ishlarini kengaytirish, hududda ozodalikni ta’minlash, atrof-muhitni muhofaza qilish, ekologik madaniyatni yuksaltirish, aholi o‘rtasida mehr-oqibat va hamjihatlik muhitini mustahkamlash yuzasidan amaliy ishlar qilindi.

Qayd etilganidek, bu kabi tadbirlar mahallalarda obod va fayzli muhitni qaror toptirish, aholining ijtimoiy faolligini oshirish hamda bag‘rikenglik va o‘zaro hurmat kabi ezgu qadriyatlarni yanada mustahkamlashga xizmat qilmoqda.

Bo‘lib o‘tgan tadbirda Kengash kotibiyati bosh mutaxassisi Gulchexra Azizova ham ishtirok etdi.