Vatan mahallasida tadbirkorlik faoliyati va hokim yordamchisi faoliyati o‘rganildi

Xalq deputatlari Navoiy shahar Kengashi deputati R. Qo‘ziyev, Kengash kotibiyati mudiri J. Hafizov hamda kotibiyat bosh mutaxassisi D. Toyirovlar tomonidan Vatan mahallasi hududida joyiga chiqqan holda o‘rganish ishlari olib borildi.

O‘rganish davomida hududda faoliyat yuritayotgan tadbirkorlik subyektlarining faoliyati, ularning mavjud muammolari hamda tadbirkorlikni rivojlantirishga to‘sqinlik qilayotgan omillar o‘rganildi. Tadbirkorlar bilan suhbatlar o‘tkazilib, ularning taklif va murojaatlari tinglandi.

Shuningdek, Vatan mahallasidagi hokim yordamchisining faoliyati, jumladan, tadbirkorlik subyektlari bilan ishlash, yangi loyihalarni amalga oshirishga ko‘maklashish, aholi bandligini ta’minlash hamda tadbirkorlarning muammolarini aniqlash va hal etish borasidagi ishlari tahlil qilindi.

O‘rganish jarayonida aniqlangan masalalar yuzasidan tegishli ishlarni amalga oshirish, mavjud muammolarni bartaraf etish hamda hududdagi tadbirkorlik faoliyatini yanada rivojlantirish bo‘yicha zarur choralar belgilandi.