Xalq deputatlari Mirzo Ulug‘bek tumani Kengashi deputati Gulchexra Axmedova ishtirokida “Zakovat” mahallasida ayni yozgi mavsum vaqtida elektr ta’minoti barqaror ishlamayotganligi yuzasidan yig‘ilish o‘tkazildi.

Yig‘ilishda tuman hokimligi va elektr tarmoqlari mutasaddi vakili, “mahalla yettiligi” hamda mahallada yashovchi fuqarolar ishtirok etdi. O‘tkazilgan yig‘ilishda mahalla aholisi elektr ta’minotida tez-tez uzilishlar va kuchlanishning pasayishi bo‘layotganligi bu esa yozgi mavsumda aholi uchun juda ko‘p noqulayliklar tug‘dirayotganligi ma’lum qilishdi.

Tadbir davomida deputat ishtirokida ushbu holat muhokama qilindi. Xususan, hudud elektr tarmoqlari mas’ul vakiliga mahallada elektr ta’minoti korxonalarining ishchi-xodimlari tomonidan aholi xavfsizligini ta’minlash hamda iste’molchilarga sifatli elektr energiyasi yetkazib berish maqsadida avariya holatlarini o‘z vaqtida aniqlash va joylardagi mavjud elektr energiyasini taqsimlash transformator punktlarida ta’mirlash ishlari izchil olib borish lozimligi haqida ta’kidlandi.

Darhaqiqat, har qanday muammoni o‘z vaqtida hal qilish, aholi murojaatlari bilan ishlash bo‘yicha samarali mexanizmlardan foydalanish nafaqat iste’molchilar, balki jamiyat faoliyatidagi unumdorlikni oshirishga xizmat qiladi.