"Salamat jámiyet - kúshli mámleket" súreni astında medicinalıq
tekseriw ótkerildi 

♻️ Ózbekstan
XDP Shımbay rayonlıq keńesi tárepinen "Shaxtemir" MPJ aymaǵındaǵı Kóp
tarmaqlı poliklinikasında "Salamat jámiyet - kúshli mámleket" súreni
astında keselliklerdi erte basqıshta anıqlaw hám salamat turmıs tárizin keńnen úgit-násiyatlawǵa
qaratılǵan ǵalabalıq biypul medicinalıq tekseriw ótkerildi. 

Ilajda Xalıq deputatları Shımbay rayonlıq Keńesi baslıǵı O.Tolıbekov, ÓzXDP
Shımbay rayonlıq keńesi baslıǵı S.Nurmambetov, rayonlıq medicina birlespesi hám
de usı poliklinika shıpakerleri, sonday-aq, aymaq turǵınları qatnastı. 

 Ilaj dawamında 150 den aslam
puqaralar medicinalıq tekseriwden ótkerilgen bolıp, sonnan 1 puqaraǵa order, 13
puqaraǵa emleniw ushın jollamalar berilip, puqaralardıń salamatlıǵın bekkemlew,
túrli keselliklerdiń aldın alıw boyınsha shıpakerler tárepinen tiyisli
usınıslar berildi. 

 Akciya sheńberinde xalıqtı
profilaktikalıq medicinalıq kórikten otkeriw, keselliklerdi erte anıqlaw hám
salamat turmıs tárizin úgit-násiyat etiwge qaratılǵan túsindiriw jumısları alıp
barıldı. 

Xalıq deputatları Shımbay rayonlıq Keńesi