Xalq deputatlari Quva tuman Kengashi deputati M.Raximov
hamda kotibiyat bosh mutaxassisi M.Toʻxtasinovlar tomonidan Oʻzbek mahalla
fuqarolar yigʻinida Oʻzbekiston Respublikasi Prezidentining 2025-yil
10-sentyabrdagi PF-163-son hamda 2023-yil 21-dekabrdagi PF-209-son farmonlari
ijrosini taʼminlash doirasida amalga oshirilayotgan ishlar yuzasidan oʻrganish
olib borildi.

Oʻrganish jarayonida mahallada faoliyat yuritayotgan yoshlar
yetakchisining xizmat vazifalarini bajarish holati, yoshlar bilan ishlash
samaradorligi, ularning bandligini taʼminlash, boʻsh vaqtlarini mazmunli
tashkil etish, kasb-hunarga yoʻnaltirish, tadbirkorlikka jalb qilish hamda
ijtimoiy qoʻllab-quvvatlash borasida amalga oshirilayotgan ishlar atroflicha
tahlil qilindi.

Shuningdek, “Yoshlar daftari”ga kiritilgan yoshlar bilan
manzilli ishlash, ularning muammo va takliflarini oʻrganish, taʼlim, bandlik va
ijtimoiy muhofaza masalalarida amaliy yordam koʻrsatish boʻyicha bajarilayotgan
chora-tadbirlar ham deputat tomonidan alohida koʻrib chiqildi.

Oʻrganish davomida yoshlar yetakchisiga faoliyatni yanada
samarali tashkil etish, yoshlarning tashabbuslarini qoʻllab-quvvatlash, ularni
jamiyat hayotida faol ishtirok etishga jalb qilish boʻyicha tegishli tavsiya va
koʻrsatmalar berildi.

Slide 1 of 3