#ÓzXDP_35_jıl

❗️ ShÍMBAYDA ÓZBEKSTAN XALÍQ DEMOKRATIYaLÍQ PARTIYaSÍNÍŃ 35 JÍLLÍǴÍ SALTANATLÍ TÚRDE BAYRAMLANDÍ

✅ Shımbay rayonında Ózbekstan Xalıq demokratikalıq partiyası dúzilgeniniń 35 jıllıǵı múnásibeti menen saltanatlı bayram ilajı bolıp ótti.

⚡️Ilaj partiyanıń tariyxıy jolın eske túsiriw, onıń sociallıq ádillikti támiyinlewge qaratılǵan maqset hám wazıypaların keńnen túsindiriw, sonday-aq partiya rawajlanıwına úles qosıp kiyatırǵan belsendilerdiń kóp jıllıq pidáyı miynetin múnásip bahalawǵa baǵıshlandı.

Ilajǵa partiya belsendileri, deputatlar, partiya veteranı hám miymanlar qatnastı. Ilaj barısında partiyanıń 1991-jıl 1-noyabrьde dúzilgennen baslap 35 jıllıq xızmet jolı, xalıqtıń sociallıq qorǵawǵa mútáj qatlamları máplerin qorǵaw, insan qádirin ulıǵlaw hám sociallıq mámleket principlerin turmısqa engiziw jolındaǵı wazıypaları atap ótildi.

Bayram ilajında Ózbekstan XDP Qaraqalpaqstan Respublikalıq Keńesiniń baslıǵı, Qaraqalpaqstan Respublikası Joqarǵı Keńesindegi partiya frakciyasınıń basshısı Xalilla Eshimbetov, partiya aǵzası hám veteranı Tazagúl Arzekeeva, sonday-aq Shımbay rayonı hákiminiń orınbasarı — Shańaraq hám hayal-qızlar bólimi baslıǵı, partiya belsendisi Gúlzar Mambetniyazova qutlıqlaw sózleri menen qatnastı.

Ilaj dawamında partiyanıń rawajlanıwına hám jámiyetlik jumıslarǵa óz úlesin qosıp kiyatırǵan bir topar shımbaylıq partiya belsendilerine Ózbekstan XDP Oraylıq Keńesi baslıǵı atınan Húrmet jarlıqları hám arnawlı znachoklar saltanatlı túrde tapsırıldı.