HUDUDLARDA IJTIMOIY-IQTISODIY DASTURLAR IJROSI NAZORAT QILINMOQDA
Tuman Kengashi kotibiyati mudiri Amanov Baxtiyor Normatovich tomonidan O‘smat shaharcha fuqarolar yig‘ini hududida belgilangan ijtimoiy-iqtisodiy dasturlar ijrosining borishi o‘rganildi.
O‘rganish davomida hududdagi ob’yektlarda amalga oshirilayotgan qurilish va ta’mirlash ishlari joyiga chiqqan holda ko‘zdan kechirilib, ishlarning belgilangan reja asosida bajarilishi, sifati hamda ijro holatiga alohida e’tibor qaratildi.
Shuningdek, amalga oshirilayotgan ishlarning o‘z vaqtida va sifatli yakunlanishini ta’minlash, mavjud muammolarni aniqlash hamda ularni bartaraf etish yuzasidan tegishli vazifalar belgilab olindi.
Bunday nazorat tadbirlari hududlarni obodonlashtirish, aholi uchun qulay sharoitlar yaratish va belgilangan dasturlar ijrosi samaradorligini oshirishga xizmat qiladi.