Xalq deputatlari tuman Kengashining 2026-yilga mo‘ljallangan ish rejasiga muvofiq O‘zbekiston Xalq demokratik partiyasidan saylangan deputat Y.Xolmurotov tomonidan tumanning “Istiqlol” mahallasiga biriktirilgan xotin-qizlar faoli A.Ustemirova faoliyati o‘rganildi.

🔻O‘rganish davomida mahalladagi xotin-qizlarning ijtimoiy holati, mavjud muammolarini aniqlash va ularni hal etishga ko‘maklashish, ehtiyojmand ayollarni manzilli qo‘llab-quvvatlash hamda ularning huquq va manfaatlarini himoya qilish bo‘yicha amalga oshirilayotgan ishlarga e’tibor qaratildi.

🔻Shuningdek, oilalardagi ijtimoiy va ma’naviy muhitni o‘rganish, nizoli va notinch oilalarni barvaqt aniqlash hamda ular bilan manzilli profilaktik ishlarni tashkil etish holati ko‘rib chiqildi. Oilaviy kelishmovchiliklarning chuqurlashib ketishining oldini olish, er-xotin o‘rtasida o‘zaro hurmat va murosa muhitini shakllantirish, zarur hollarda tegishli mutasaddilar va jamoatchilik vakillari bilan hamkorlikda ish olib borish muhimligi qayd etildi

🔻Deputat tomonidan xotin-qizlar faoliga mahalladagi har bir oila va xotin-qizning holatini chuqur o‘rganish, mavjud muammolarni erta bosqichda aniqlash, ayniqsa, ajrim yoqasida turgan va nizoli oilalar bilan profilaktik ishlarni kuchaytirish bo‘yicha tegishli tavsiyalar berildi.