Xalq deputatlari Yangiobod tuman Kengashi deputati A.Isroilov tomonidan Sovot QFYdagi 4-sonli umumiy o‘rta ta’lim maktabida ta’lim jarayoni hamda o‘quvchilar uchun yaratilgan sharoitlar o‘rganildi.

O‘rganish davomida maktabdagi o‘quv jarayonining tashkil etilishi, dars mashg‘ulotlarining olib borilishi, o‘quvchilarning davomat ko‘rsatkichlari va ta’lim olishlari uchun yaratilgan sharoitlar ko‘zdan kechirildi.

Shuningdek, o‘quv xonalarining jihozlanganligi, sinflarda o‘quvchilar uchun zarur sharoitlarning mavjudligi, maktabning moddiy-texnik bazasi, sanitariya-gigiyena holati hamda hududning obodonlashtirilganlik darajasiga e’tibor qaratildi.

Deputat tomonidan o‘quvchilarning sifatli ta’lim olishi, bo‘sh vaqtini mazmunli tashkil etish, fanlarga qiziqishini oshirish va ularning xavfsizligini ta’minlash masalalari yuzasidan maktab ma’muriyati bilan fikr almashildi.

Ta’lim jarayonida mavjud masalalar muhokama qilinib, o‘quvchilar uchun yanada qulay sharoit yaratish, aniqlangan kamchiliklarni bartaraf etish va ta’lim sifatini oshirish bo‘yicha tegishli tavsiyalar berildi.

Mazkur yo‘nalishdagi ishlar deputat nazoratida davom ettiriladi.