Xalq deputatlari Qo‘qon shahar Kengashiga 29-“Oydinbuloq” saylov okrugidan saylangan deputat X.Abdullayev tomonidan o‘z saylov okrugi hududidagi tadbirkorlik subyektlari faoliyatini o‘rganish hamda “Mikroloyihalar”ni tahlil qilish yuzasidan o‘rganish ishlari olib borildi.

O‘rganish davomida “Ashirqulmergan” mahallasida faoliyat yuritayotgan “Kokand munavvar farm” korxonasi faoliyati bilan tanishildi.

Korxona rahbariyati bilan muloqot davomida korxonada ayni paytda 15 nafar xotin-qiz doimiy ish bilan ta’minlangani ma’lum bo‘ldi.

Uchrashuvda korxona faoliyatini yanada rivojlantirish, jumladan, tovar aylanmasi hajmini oshirish, yangi ish o‘rinlari yaratish, mahsulotlar eksportini yo‘lga qo‘yish hamda onlayn savdoni rivojlantirish masalalari muhokama qilindi.

Shuningdek, yangi loyihalarni ishga tushirish, mavjud bino va inshootlardan samarali foydalanish, imtiyozli kreditlardan foydalanish imkoniyatlarini kengaytirish, shuningdek, mahalladagi bitiruvchi sinf o‘quvchilarini korxonada ish bilan ta’minlash bo‘yicha tegishli tavsiya va takliflar bildirildi.

Mazkur o‘rganishlar hududdagi tadbirkorlik subyektlarini qo‘llab-quvvatlash, mavjud imkoniyatlardan samarali foydalanish, yangi ish o‘rinlari yaratish hamda aholi bandligini ta’minlashga qaratilgan.

Xalq deputatlari Qo‘qon shahar Kengashi