Yoshlarning ekologik madaniyatini yuksaltirish — ustuvor vazifa

O‘zbekiston Ekologik partiyasi tashabbusi bilan Oliy Majlis Qonunchilik palatasidagi partiya fraksiyasi hamda Namangan davlat universiteti hamkorligida tashkil etilgan respublika ilmiy-amaliy konferensiyada ekologik ta’lim tizimini rivojlantirish masalalari keng muhokama qilindi.

Anjumanda so‘zga chiqqanlar mamlakatimizda ekologik siyosat doirasida amalga oshirilayotgan islohotlar, xususan, yoshlarning ekologik madaniyatini yuksaltirish borasidagi ustuvor yo‘nalishlarga alohida to‘xtalib o‘tdilar.

Jumladan, Namangan shahar Kengashi deputati, Kamoliddin Rahimov nomidagi 11-son Bolalar musiqa va san’at maktabi direktori Gaffarova Shoira Shavkatovna ma’ruza bilan ishtirok etib, ekologik ta’limni rivojlantirish, yoshlar ongida ekologik mas’uliyatni shakllantirish masalalari yuzasidan o‘z taklif va mulohazalarini bildirdi.

Shuningdek, konferensiyada ishtirok etgan boshqa ma’ruzachilar tomonidan ham sohani rivojlantirishga doir muhim taklif va tashabbuslar ilgari surildi.