Xalq deputatlari Amudaryo tuman Kengashidagi “Adolat” SDP deputatlik guruhi a’zosi — Kotibiyat mudiri M.Urazbayev o‘z saylov okrugidagi “Kuyuk ko‘pir” ovul fuqarolar yig‘inida bo‘lib, deputatlik faoliyatining eng muhim yo‘nalishlari doirasida mahalla “yettiligi” faoliyati bilan yaqindan tanishdi.

O‘rganishlar davomida O‘zbekiston Respublikasi Prezidentining 2026-yil 11-sentabrdagi “Barqaror ish o‘rinlarini yaratish va kichik biznesni jadal rivojlantirish orqali aholi daromadlarini oshirish chora-tadbirlari to‘g‘risida”gi PF–193-sonli Farmoni ijrosi nazoratga olindi.

Shuningdek, asosiy e’tibor Mahalladagi yoshlar yetakchisi tomonidan amalga oshirilayotgan chora-tadbirlar samaradorligi hamda yigit-qizlarning bandligini ta’minlash masalalariga qaratildi.

Xususan:
🔹 Yoshlar bandligi va daromadi: Ovuldagi uyushmagan va ishsiz yoshlarni kasb-hunarga o‘qitish, tadbirkorlikka jalb etish va doimiy ish o‘rinlariga joylashtirish bo‘yicha ko‘rilayotgan choralar ko‘rib chiqildi;
🔹 Tashabbus va loyihalar: "Yoshlar daftari" va ajratilayotgan imtiyozli kreditlar hamda subsidiyalardan samarali foydalanish jarayoni tahlil qilindi;
🔹 Mahalla "yettiligi" integratsiyasi: Yoshlar masalalarida mahalla yettiligining o‘zaro hamkorlikda olib borayotgan manzilli ishlari samaradorligi baholandi.

Muloqot chog‘ida ovul yoshlarining bo‘sh vaqtini mazmunli tashkil etish, ularning muammolarini o‘z vaqtida hal etish hamda mahalla drayverlaridan kelib chiqib yangi imkoniyatlar yaratish bo‘yicha yoshlar yetakchisiga tegishli tavsiya va ko‘rsatmalar berildi.

Deputat va mahalla yettiligining bu kabi amaliy hamkorligi hududdagi ijtimoiy-iqtisodiy masalalarni tezkor va manzilli hal etishga xizmat qiladi.