DEPUTATLIK NAZORATI: TOMORQA VA DEHQON XO‘JALIKLARIDAN SAMARALI FOYDALANISH MASALASI O‘RGANILMOQDA
Xalq deputatlari Pastdarg‘om tumani Kengashining Agrar, suv xo‘jaligi va ekologiya masalalari bo‘yicha doimiy komissiyasi tomonidan tumanda dehqon xo‘jaliklari va tomorqa yer uchastiklaridan samarali foydalanish holati yuzasidan deputatlik nazorati olib borilmoqda.
Shu munosabat bilan komissiya raisi Turayev Feruz Erkinovich tomonidan tuman hokimining o‘rinbosari B. Yakubov nomiga rasmiy xat yuborildi.
Rasmiy xatda O‘zbekiston Respublikasi Vazirlar Mahkamasining 2018-yil 18-martdagi 205-son qarori talablari asosida tumanda dehqon xo‘jaliklari va tomorqa yer uchastkalaridan samarali foydalanishni tashkil etish yo‘nalishida amalga oshirilgan ishlar to‘g‘risida ma’lumot taqdim etish so‘ralgan.
📌 Mazkur o‘rganish orqali tomorqa yerlaridan oqilona va samarali foydalanish, mavjud imkoniyatlardan unumli foydalanish hamda aholi daromadlarini oshirishga qaratilgan ishlarning amaliy holatiga e’tibor qaratiladi.