“Keńes” máhállesindegi mashqalalar úyrenildi

⚡️Shımbay rayon hákimi N.Eshanov hám xalıq deputatları rayonlıq Keńesi sekretariat baslıǵı M.Zarikeev tárepinen “Keńes” máhállesinde xalıq penen ushırasıw ótkerilip, puqaralardı qıynap kiyatırǵan mashqala hám kemshilikler ornına shıqqan halda úyrenildi.

Shımbay rayonı aymaǵın social-ekonomikalıq rawajlandırıwǵa qaratılǵan jámiyetshilik pikiri tiykarında 2026-jıl ekinshi máwsiminde Ózbekstan Respublikası Oliy Majlisi Nızamshılıq palatası deputat wákilligi sheńberinde tańlaǵan 1 joybardıń shólkemlestiriw ilajları úyrenildi.

Úyreniw dawamında máhálledegi ishki jollardıń jaǵdayı, ishimlik suwı támiynatı, elektr energiyası hám tábiyǵıy gaz benen baylanıslı máseleler, abadanlastırıw hám aymaqtı taza saqlaw, kóshe hám jollardı jaqtılandırıw, sonday-aq, xalıqtı jumıs penen támiyinlew hám sociallıq máseleler boyınsha múrájatlar tıńlandı.

Anıqlanǵan mashqalalar boyınsha juwapker shólkemlerdiń wákillerine tiyisli tapsırma hám kórsetpeler berilip, olardı basqıshpa-basqısh saplastırıw, xalıqtıń múrájatların óz waqtında kórip shıǵıw hám orınlanıwın qadaǵalaw boyınsha wazıypalar belgilep alındı.

Sonday-aq, deputat tárepinen puqaralardıń múrájatları hám usınısları ayrıqsha atap ótilip, máhálledegi bar mashqalalardı sheshiwde tiyisli shólkemler menen birge islesiwdi kúsheytiw zárúr ekenligi atap ótildi.