💠TO‘XTAB QOLGAN TADBIRKORLIK SUBYEKTLARI FAOLIYATI QAYTA TIKLANADI

➡️Davlat rahbari raisligida o‘tkazilgan videoselektorda tadbirkorlik subyektlarini qo‘llab-quvvatlash, mavjud imkoniyat va resurslardan samarali foydalanish, faoliyati to‘xtab qolgan korxonalarni qayta ishga tushirish masalalariga alohida e’tibor qaratildi.

➡️Ushbu topshiriqlardan kelib chiqib, Xalq deputatlari Sherobod tumani Kengashi 24-Xo‘jaqiya saylov okrugi deputati, Sherobod tuman hokimi Alimov Usmon Ibrohimovich boshchiligida banklar tasarrufidagi faoliyati to‘xtab qolgan tadbirkorlik subyektlarini qayta ishga tushirish bo‘yicha amaliy ishlar boshlandi.

➡️Jarayon davomida faoliyati turli sabablarga ko‘ra to‘xtab qolgan ishlab chiqarish va xizmat ko‘rsatish obyektlariga tashrif buyurilib, ularning mavjud muammolari o‘rganilmoqda. Har bir tadbirkor bilan individual ishlash, ishlab chiqarishni qayta yo‘lga qo‘yish, yangi ish o‘rinlarini yaratish hamda faoliyatni kengaytirish uchun zarur choralar belgilanmoqda.

➡️Shuningdek, tadbirkorlik subyektlarini qayta moliyalashtirish, zarur kredit resurslarini jalb etish va mavjud moliyaviy imkoniyatlardan samarali foydalanish bo‘yicha banklar bilan hamkorlikda ishlar olib borilmoqda.

➡️Asosiy maqsad — faoliyati to‘xtab qolgan tadbirkorlik subyektlarini imkon qadar tezroq qayta ishga tushirish, yangi ish o‘rinlari yaratish va aholi daromadlarini oshirish orqali kambag‘allikni qisqartirishga amaliy hissa qo‘shishdir.

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube