Xalq deputatlari Jondor tumani Kengashi deputatlari tomonidan aholi murojaatlarini o‘rganish, ijtimoiy himoyaga muhtoj fuqarolarni qo‘llab-quvvatlash va ularning muammolarini hal etishga ko‘maklashish borasida tizimli ishlar olib borilmoqda.
🔵Shu maqsadda Xalq deputatlari Jondor tumani Kengashi deputati E.Tursunov Luҡmon MFY, Luҡmon qishlog‘ida yashovchi, «Ayollar daftari»ga kiritilgan M.Sharipovaning xonadondagi sharoitini o‘rgandi.
O‘rganish davomida fuqaroning uy-joyini ta’mirlash va yashash sharoitini yaxshilash uchun qurilish materiallariga ehtiyoj borligi aniqlandi.
🔵Mazkur masalani ijobiy hal etish maqsadida deputat E.Tursunov tomonidan tuman hokimi o‘rinbosari Sh.Raxmonova nomiga deputatlik so‘rovi yuborilib, M.Sharipovaning uy-joyini ta’mirlash uchun zarur qurilish materiallari bilan ta’minlashda amaliy yordam ko‘rsatish so‘raldi.
🔵Deputatlik so‘rovi orqali aholining ijtimoiy himoyaga muhtoj qatlamlarini qo‘llab-quvvatlash, ularning munosib turmush sharoitini ta’minlashga qaratilgan amaliy choralarni kuchaytirish ko‘zda tutilgan.
🔵Zero, inson qadrini ulug‘lash, ehtiyojmand oilalar muammosiga befarq bo‘lmaslik va har bir murojaat ortida inson taqdiri turganini anglash — deputatlik faoliyatining muhim mezonidir.