Xalq deputatlari Oltinsoy tuman Kengashi raisi, 22-"Mingchinor" saylov okrugidan saylangan deputat A.Turdiyev tomonidan "Tog‘ay Murod" hamda "Mingchinor" mahallalarida saylovchilar bilan uchrashuv o‘tkazildi.

Uchrashuv davomida fuqarolar bilan ochiq muloqot tashkil etilib, ularni qiynayotgan muammolar, taklif va tashabbuslar tinglandi. Shuningdek, hududni ijtimoiy-iqtisodiy rivojlantirish, obodonlashtirish ishlarini jadallashtirish hamda aholi turmush farovonligini oshirishga qaratilgan masalalar muhokama qilindi.

Saylovchilar tomonidan bildirilgan murojaatlar va takliflar yuzasidan tegishli mutasaddi tashkilotlar bilan hamkorlikda amaliy choralar ko‘rish, mavjud muammolarni bosqichma-bosqich bartaraf etish bo‘yicha zarur vazifalar belgilandi.

Uchrashuv yakunida murojaatlar ijrosi deputatlik nazoratiga olindi.

🕊 Telegram 💬 Facebook 🌐 E-kengash 📸 Instagram