#172_qonun

Kam ta’minlangan oilalar farzandlarini qo‘llab-quvvatlash – ta’limdagi teng imkoniyatlar kafolati


O‘zbekiston Respublikasi Vazirlar Mahkamasining 2021-yil 16-avgustdagi 523-sonli “Kam ta’minlangan oilalar farzandlarining umumta’lim muassasalaridagi kuni uzaytirilgan guruhlarda o‘qishini moddiy jihatdan qo‘llab-quvvatlash chora-tadbirlari to‘g‘risida”gi qarori ijtimoiy himoyaga muhtoj oilalar farzandlarining sifatli ta’lim olishi uchun qulay sharoit yaratishga qaratilgan.

Mazkur qarorga muvofiq, kam ta’minlangan oilalar farzandlarining umumta’lim maktablaridagi kuni uzaytirilgan guruhlarda tahsil olishi moddiy jihatdan qo‘llab-quvvatlanadi. Bu orqali o‘quvchilarning darsdan keyingi mashg‘ulotlarda muntazam ishtirok etishi, bilim va ko‘nikmalarini mustahkamlashi hamda bo‘sh vaqtini mazmunli tashkil etish uchun qo‘shimcha imkoniyatlar yaratiladi.

Shuningdek, mazkur qaror ta’limda ijtimoiy adolat va teng imkoniyatlarni ta’minlash, kam ta’minlangan oilalarni qo‘llab-quvvatlash hamda yosh avlodning har tomonlama barkamol bo‘lib voyaga yetishiga xizmat qiladi.