O‘zbekiston Respublikasi Prezidenti Shavkat Mirziyoyev tomonidan Islom sivilizatsiyasi I Xalqaro forumida ishtirok etish uchun mamlakatimizga tashrif buyurgan Kavkaz musulmonlari idorasi raisi, shayxulislom Ollohshukur Poshshozodaning davlat mukofoti bilan taqdirlangani mamlakatimizda millatlararo totuvlik, dinlararo bag‘rikenglik va xalqaro hamkorlikka berilayotgan yuksak e’tiborning yana bir amaliy ifodasidir.
🔹Bu yuksak e’tirof diniy-ma’rifiy sohadagi samarali hamkorlikni yanada mustahkamlash, tinchlik va barqarorlik g‘oyalarini keng targ‘ib etishga xizmat qiladi. Ayniqsa, Islom sivilizatsiyasi forumi kabi nufuzli xalqaro maydonlarda O‘zbekistonning ochiq va konstruktiv siyosati yurtimizning xalqaro nufuzini yanada yuksaltirmoqda.
🔹Biz, mahalliy Kengash deputatlari ham Prezidentimiz boshchiligida olib borilayotgan bag‘rikenglik, o‘zaro hurmat va hamjihatlik siyosatiga to‘liq qo‘shilamiz hamda jamiyatimizda tinchlik, millatlararo totuvlik va ma’naviy qadriyatlarni mustahkamlash yo‘lidagi ishlarni izchil qo‘llab-quvvatlaymiz.