Xalq deputatlari Qo‘qon shahar Kengashi deputati, Qo‘qon shahar hokimi M.A.Usmonov tomonidan “Tolzor” mahalla fuqarolar yig‘inida navbatdagi fuqarolar qabuli o‘tkazildi.

Qabul davomida fuqarolar bilan ochiq muloqot o‘tkazilib, ularning murojaat va takliflari tinglandi hamda mavjud muammolarni qonunchilik doirasida hal etish masalalari muhokama qilindi.

Jumladan, fuqaro G.Baratova tadbirkorlik faoliyatini yo‘lga qo‘yish maqsadida yer maydoni ajratilishi yuzasidan murojaat qildi.

Mazkur murojaat yuzasidan deputat tomonidan amaldagi qonun hujjatlariga muvofiq yer uchastkalarini ajratish tartibi, tadbirkorlik faoliyatini tashkil etish uchun belgilangan huquqiy asoslar hamda murojaatni ko‘rib chiqish mexanizmlari bo‘yicha batafsil tushuntirishlar berildi.

Qabul yakunida fuqaroning murojaati deputat nazoratiga olinib, masalani qonunchilik talablari asosida ko‘rib chiqish va tegishli tartibda hal etish yuzasidan zarur tavsiyalar berildi.

Xalq deputatlari Qo‘qon shahar Kengashi