Xalq deputatlari Toyloq tuman Kengashi deputati Nasiba Mo‘minova hamda tuman Kengashi kotibiyati xodimlari “Yastepa” mahalla fuqarolar yig‘inida “Mahalla yettiligi” va aholi vakillari bilan uchrashuv o‘tkazdilar. Uchrashuv davomida ijtimoiy himoyaga muhtoj oilalarni qo‘llab-quvvatlash, ularning turmush sharoitini yaxshilash, ijtimoiy soha obyektlaridagi ayrim kamchiliklarni bartaraf etish bo‘yicha amaliy vazifalar belgilab olindi. Shuningdek, deputat tomonidan fuqarolarning sayyor qabuli tashkil etilib, aholi murojaatlari va muammoli masalalarga oid hujjatlar o‘rganildi.

✅Qabul jarayonida bir guruh mahalla oqsoqollari mahalla balansidagi sport maydonini ta’mirlash, yoshlar va nuroniylar uchun sport bilan shug‘ullanish imkoniyatlarini kengaytirish maqsadida taekvondo zali hamda o‘smirlar uchun futbol maydonini qayta ta’mirlash bo‘yicha takliflar bildirdilar. Deputat Nasiba Mo‘minova mazkur masalalarni o‘rganib, obodonlashtirish ishlarini bosqichma-bosqich amalga oshirish yuzasidan tegishli tashkilotlar bilan hamkorlikda amaliy ishlar olib borilishi va bu jarayonga deputatlik nazoratiga olinishini ta’kidladi. Uchrashuvlar davomida aholi muammolarini joyida hal etish, mahalla yettiligi bilan hamkorlikni kuchaytirish hamda mas’ullarga aniq ko‘rsatma va tavsiyalar berishga alohida e’tibor qaratildi.

✅Bizni kuzatib boring:👇
|📲 Telegram | 💻Facebook