Xalq deputatlari Shahrisabz tumani Kengashi kotibiyati
mudiri L.Mamadiyorov, bosh mutaxassislar A.Sa’dullayev va S.Primov hamda tuman
Kengashi doimiy komissiyalari raislari ishtirokida navbatdagi ishchi yig‘ilish
bo‘lib o‘tdi. 

Yig‘ilish davomida xalq deputatlari tuman Kengashi
sessiyalarida qabul qilingan qarorlarning ijro holati atroflicha tahlil
qilinib, ularning o‘z vaqtida va sifatli bajarilishini ta’minlash yuzasidan
amalga oshirilayotgan ishlar ko‘rib chiqildi. Shuningdek, ijrosi sust bo‘lgan masalalar
yuzasidan mas’ullarga tegishli topshiriq va tavsiyalar berildi. 

Shu bilan birga, Kengash
kotibiyati hamda doimiy komissiyalarning joriy haftadagi ustuvor vazifalari
muhokama qilinib, nazorat tadbirlarini samarali tashkil etish, deputatlik
nazoratini kuchaytirish hamda hududlarda mavjud muammolarni o‘rganish bo‘yicha
aniq vazifalar belgilab olindi.