Xalq deputatlari Kosonsoy tumani Kengashi kotibiyati mudiri D.Valiyeva tomonidan aholi murojaatlari yuzasidan sayyor qabul o‘tkazildi 👥 Xalq deputatlari Kosonsoy tumani Kengashi kotibiyati mudiri D.Valiyeva tomonidan fuqarolarning murojaatlarini o‘z vaqtida ko‘rib chiqish, ularni qiynayotgan muammolarni joyida o‘rganish hamda amaliy yechim topish maqsadida navbatdagi sayyor qabul tashkil etildi. 🤝 Sayyor qabul davomida fuqarolar tomonidan ichimlik suvi ta’minoti, elektr energiyasi, ichki yo‘llarni ta’mirlash, bandlik, ijtimoiy yordam, kommunal xizmatlar sifati, kadastr va yer masalalari, sog‘liqni saqlash hamda boshqa ijtimoiy ahamiyatga ega masalalar yuzasidan murojaatlar va takliflar bildirildi. Har bir murojaat yuzasidan fuqarolar bilan batafsil suhbat o‘tkazilib, ularning mazmun-mohiyati atroflicha o‘rganildi. Qabul davomida ayrim masalalarga amaldagi qonunchilik talablari asosida huquqiy tushuntirishlar berildi, tezkor hal etilishi mumkin bo‘lgan murojaatlar joyida ijobiy yechim topdi. Qo‘shimcha o‘rganish va mutasaddi tashkilotlar ishtirokini talab etadigan murojaatlar esa tegishli idoralarga yo‘naltirilib, ularning ijrosi nazoratga olindi.