Yoshlarga oid davlat siyosati – yoshlar manfaatlari yo‘lida muhim huquqiy asos

Xalq deputatlari Termiz tuman Kengashi deputati S.Xakimov tomonidan Oʻzbekiston Respublikasining “Yoshlarga oid davlat siyosati toʻgʻrisida”gi Qonuni mazmun-mohiyatiga bag‘ishlangan targ‘ibot tadbiri o‘tkazildi.

Tadbir davomida mazkur qonun Qonunchilik palatasi tomonidan 2016-yil 12-avgustda qabul qilingani hamda Senat tomonidan 2016-yil 24-avgustda ma’qullangani, uning yoshlarning huquq va qonuniy manfaatlarini himoya qilish, ularni har tomonlama qo‘llab-quvvatlash, intellektual va ma’naviy salohiyatini yuksaltirishga qaratilgan muhim huquqiy hujjat ekanligi alohida ta’kidlandi.

Shuningdek, qonunda belgilangan yoshlar uchun yaratilayotgan imkoniyatlar, ta’lim olish, kasb-hunar egallash, bandligini ta’minlash, tadbirkorlik faoliyatini qo‘llab-quvvatlash hamda yoshlarning jamiyat hayotidagi faolligini oshirishga oid normalar yuzasidan batafsil tushuntirishlar berildi.

Tadbir yakunida ishtirokchilarni qiziqtirgan savollarga javob berilib, yoshlarni mamlakat taraqqiyotida faol ishtirok etishga chaqirildi.

Yoshlarga e’tibor – kelajakka e’tibor!