Xalq deputatlari Kosonsoy tuman Kengashi kotibiyati mudiri D.Valiyeva hamda tuman Kengashining 12-Buloqboshi saylov okrugi deputati D.Isaqov tomonidan tumandagi Fuqarolik holati dalolatnomalarini yozish (FHDYo) bo‘limi faoliyati o‘rganildi.

📋 O‘rganish jarayonida FHDYo bo‘limi tomonidan aholiga ko‘rsatilayotgan davlat xizmatlari, tug‘ilish, nikoh, ajrim va o‘lim holatlarini davlat ro‘yxatidan o‘tkazish ishlari hamda raqamlashtirish jarayonlari bilan tanishildi.

📊 Ma’lum qilinishicha, joriy yilning o‘tgan davri mobaynida tumanda 588 ta nikoh arizasi qayd etilgan bo‘lib, 149 ta nikohdan ajrashish holati rasmiylashtirilgan. Mazkur ko‘rsatkichlar oilalar mustahkamligini ta’minlash, ajrimlarning oldini olish va yoshlarni oilaviy hayotga tayyorlash borasidagi ishlarga alohida e’tibor qaratish zarurligini ko‘rsatmoqda.