Xalıq deputatları Bozataw rayonlıq Keńesi, 12-sanlı «Aspantay» saylaw okruginen saylanǵan (ÓzLiDeP) deputat G.Jumanazarova tárepinen óz saylaw okrugi aymaǵındaǵı áhmiyetli máseleler úyrenildi.
Úyreniw dawamında Aspantay APJ aymaǵında jasawshı puqaralar menen ushırasıw ótkerilip, olardı qızıqtırǵan hám kúndelikli turmısına tásir etip atırǵan mashqalalar tıńlandı.
Atap aytqanda, elat orayındaǵı birqansha kóshelerge aldın SHPS tóselip abadanlastırıw jumısları alıp barılǵan bolsa da, házirgi waqıtta jollardıń ayrım bólimleri jaramsız awqalǵa kelip, transport qatnası hám jayaú júrisi ushın qıyınshılıqlar tuwdırmaqta.
Bul másele boyınsha puqaralar tárepinen bildirgen múrájatlar ornında úyrenilip, jollardı qayta ońlaw hám jaǵdayın jaqsılaw boyınsha tiyisli shólkemlerge usınıslar kirgiziliwi belgilep alındı.
Deputat tárepinen saylawshılar kótergen máselelerdiń sheshimin tabıw boyınsha tiyisli mákemeler menen birgelikte ámeliy sharalar kóriw jumısları alıp barıladı.