Кенгаш народных депутатов города Термез

Новости

Последние новости

Tanqidiy tahlil va qat'iy talab: Termiz shahar deputatlari faoliyati muhokama qilindi!

Bugun Xalq deputatlari Termiz shahar Kengashining yigirma ikkinchi sessiyasi bo‘lib o‘tdi

Xalq deputatlari Termiz shahar Kengashining yigirma ikkinchi sessiyasi yakunlandi

Xalq deputatlari Termiz shahar Kengashining 22-sessiyasi davom etmoqda

Sessiya davomida deputatlar tomonidan “Dolzarb 90 kun” chora-tadbirlar rejasida nazarda tutilgan tadbirlarning ijrosi, yoshlarning bo‘sh vaqtini mazmunli tashkil etish, ularni kasb-hunar, sport, madaniyat va axborot texnologiyalari yo‘nalishlariga keng jalb etish, shuningdek, mas’ul tashkilotlar zimmasiga yuklatilgan vazifalarning samarali bajarilishi yuzasidan qator savollar, taklif va mulohazalar bildirildi.

Muhokamalar jarayonida deputatlar tomonidan loyihalarning amaliy samaradorligi, mablag‘larning maqsadli va oqilona sarflanishi, aholi bandligini ta’minlash, yoshlarni qo‘llab-quvvatlash, ijtimoiy himoya tizimini yanada takomillashtirish hamda inklyuziv ta’lim imkoniyatlarini kengaytirish masalalari yuzasidan qator taklif va tavsiyalar bildirildi.

Xalq deputatlari Termiz shahar Kengashining 22-sessiyasida qizg‘in munozaralar davom etmoqda

Sessiya davomida deputatlar tomonidan jamg‘arma mablag‘larining manzilli va maqsadli yo‘naltirilishi, ajratilayotgan mablag‘larning samaradorligini oshirish, ehtiyojmand fuqarolarni qo‘llab-quvvatlash mexanizmlarini yanada takomillashtirish hamda mablag‘lardan foydalanishda ochiqlik va shaffoflikni ta’minlash masalalari yuzasidan qator savollar, taklif va mulohazalar bildirildi.

Xalq deputatlari Termiz shahar Kengashining 22-sessiyasi davom etmoqda

Sessiya davomida “Ijtimoiy reyestr”ning “davlat ta’minotidagi oila” toifasiga kiritilgan hamda o‘zgalar parvarishiga muhtoj bo‘lgan yolg‘iz yashovchi va yolg‘iz keksalar, nogironligi bo‘lgan shaxslar hamda ehtiyojmand oilalarga xonadonda energiya samaradorligini oshirish bo‘yicha yordam ko‘rsatish uchun mablag‘ ajratish masalasi ko‘rib chiqilmoqda.

DEPUTATLIK SO‘ROVIGA JAVOB

DEPUTATLIK SO‘ROVIGA JAVOB

Xalq deputatlari Termiz tuman Kengashining VII-17-58-8-117-K/26-sonli qarorining 1-ilovasining 5-bandiga asosan, Termiz tumani Termiz MFY hududida joylashgan 35-sonli umumiy o‘rta ta’lim maktabining moddiy-texnik bazasini rivojlantirish tadbiri tasdiqlangan.

Mazkur qarorning 6-ilovasiga muvofiq, 35-sonli umumiy o‘rta ta’lim maktabi uchun jami 763,6 mln so‘m mablag‘ ajratilgan bo‘lib, hozirgi kunda 708,7 mln so‘mlik jihozlar elektron savdolarga joylashtirilib, g‘olib deb topilgan korxonalar tomonidan yetkazib berilgan. Qolgan 54,9 mln so‘mlik jihozlar xarid savdolariga qo‘yilganligini ma’lum qilamiz.

Shuningdek, Xalq deputatlari Termiz tuman Kengashining VII-17-58-8-117-K/26-sonli qarorining 1-ilovasining 6-bandiga asosan, Termiz tumani Termiz MFY hududida joylashgan 28-sonli umumiy o‘rta ta’lim maktabining moddiy-texnik bazasini rivojlantirish tadbiri tasdiqlangan.

Mazkur qarorning 7-ilovasiga muvofiq, 28-sonli umumiy o‘rta ta’lim maktabi uchun jami 759,2 mln so‘m mablag‘ ajratilgan bo‘lib, hozirgi kunda 727,4 mln so‘mlik jihozlar elektron savdolarga joylashtirilib, g‘olib korxonalar tomonidan yetkazib berilgan. Qolgan 31,8 mln so‘mlik jihozlar xarid savdolariga qo‘yilganligini ma’lum qilamiz.

Slide 1 of 3