9-may – “Xotira va qadrlash kuni” munosabati bilan, xalq deputatlari Muzrabot tuman Kengashiga 13-Shabada saylov okrugidan saylangan deputat Ramazonov Muzaffar Xolmirzayevich tomonidan tashabbus ko‘rsatilib “Darband” mahalla fuqarolar yig‘inidagi qabristonida obodonlashtirish va hashar ishlari tashkil etildi.

Tadbir davomida hudud tozalanib, qabriston atrofi tartibga keltirildi hamda ziyoratgohlar obod holatga keltirildi.

Ushbu ezgu tashabbus aholi qalbida ajdodlar xotirasiga hurmat, mehr va sadoqat tuyg‘ularini yanada mustahkamlashga xizmat qilmoqda.

Zero, ajdodlarni e’zozlash - bu tarixni asrash, tarixni asrash esa kelajakni barpo etish demakdir.

Shuningdek, tuman Kengashiga 10-Yangiyer saylov okrugi deputati Tangirov Tursunqul Xo‘jaqulovichning tashabbusi bilan ham “Yangiyer” mahallasidagi “Cho‘lponxon ota” qabristonida obodonlashtirish hashari o‘tkazidi.

Bu kabi tadbirlar har bir deputatimiz tomonidan o‘zlari saylangan hududlarda doimiy o‘tkazilib kelinadi.