🔹9-may — Xotira va qadrlash kuni munosabati bilan O‘zbekiston Respublikasi Mudofaasiga ko‘maklashuvchi “Vatanparvar” tashkiloti Samarqand viloyati kengashi raisi Bekzod Raximov, Mudofaa vazirligi huzuridagi Jamoatchilik kengashi viloyat hududiy bo‘linmasi a’zolari Rashid Sherov va Ubaydulla Amirov, shuningdek, Xalq deputatlari Nurobod tumani Kengashi deputati S.Samatovlar tomonidan Nurobod tumanining mard va jasur o‘g‘loni, Vatan ozodligi va xalqimiz tinchligi yo‘lida halok bo‘lgan Ismatulla Xo‘jayev xotirasiga bag‘ishlangan tadbir o‘tkazildi.

🔹Tadbir doirasida marhumning oila a’zolari holidan xabar olinib, ularga hurmat va e’tibor ko‘rsatildi. Shu bilan birga, uning hayoti va jasorati yosh avlodga ibrat sifatida e’tirof etildi.

🔹Bugungi kunda 13-sonli umumta’lim maktabida Ismatulla Xo‘jayev xotirasiga bag‘ishlangan xotira burchagi tashkil etilgan bo‘lib, ishtirokchilar ushbu maskanda bo‘lib, uning jasorati haqida hikoya qiluvchi eksponatlar bilan tanishdilar. Shuningdek, u tahsil olgan maktab hovlisida o‘rnatilgan byust qarshisida xotira tadbiri o‘tkazilib, uning xotirasiga hurmat bajo keltirildi.

🔹Tadbir ishtirokchilari tomonidan yurt tinchligi va osoyishtaligi yo‘lida xizmat qilgan qahramonlar xotirasi abadiy ekani, ularning jasorati esa kelajak avlod uchun namuna bo‘lib qolishi ta’kidlandi.