🔣O‘ZBEKISTON RESPUBLIKASI ADLIYA VAZIRLIGI VA AQSH XALQARO TARAQQIYOT AGENTLIGI (USAID) HAMKORLIGIDAGI “MAHALLIY DAVLAT HOKIMIYATI ORGANLARINI RIVOJLANTIRISH” QO‘SHMA LOYIHASINI AMALGA OSHIRISH REJASI YUZASIDAN SEMINAR-TRENING 

✅➡️Navoiy shahridagi TINCHLIK PLAZA mehmonxonasi konferensiyalar zalida “Mahalliy darajada xizmatlar ko‘rsatishni takomillashtirish bo‘yicha yo‘l xaritasi (siap) maqsadi va vazifalari hamda ishlab chiqish metodikasi bo‘yicha” seminar trening bo’lib o’tdi.

✅➡️Ushbu seminar treningda Xalq deputatlari Navoiy viloyati Kengashi kotibiyati mudiri Jamoliddin Hamroyev, AQSH Taraqqiyot agentligining (USAID) “Mahalliy davlat hokimiyati organlarini rivojlantirish” loyihasi rahbari Robert Bodo, Xalqaro ekspert Muhammad Alamush, Navbahor tumani hokimi o’rinbosari Abrorjon Tuxliyev, xalq deputatlari Navbahor tumani Kengashi kotibiyati mudiri Zohid Qudratov, shahar hokimi o’rinbosarlari, Navoiy shahri, Navbahor va Qiziltepa tuman hokimliklari mutasaddilari hamda tegishli tashkilotlar mas’ullari ishtirok etishdi. 

✅➡️Seminar davomida Navoiy shahri, Navbahor va Qiziltepa tuman hokimliklari tomonidan loyihani amalga oshirish doirasida tashkil qilingan ishchi guruh uchun mahalliy darajada xizmatlar ko‘rsatishni takomillashtirish bo‘yicha yo‘l xaritasi (SIAP) maqsadi va vazifalari, ishlab chiqish metodikasi bo’yicha keng tushunchalar berilib, mazkur yo’nalishlarda amalga oshirilishi rejalashtirilgan kelgusidagi hamkorlik masalalari yuzasidan fikr almashildi.