Өзбекстан Республикасы Президентиниң 2023-жыл 11-марттағы “Кексе әўлад ўәкиллерин ҳәр тәреплеме қоллап қуўатлаў ҳәм олардың социаллық белсендилигин асырыўға байланыслы қосымша илажлар ҳаққында”ғы ПҚ-92-санлы қарарының 7-бәнти тийкарында елимизде “Үш әўлад ушарасыўы” илажларын өткериў нәзерде тутылған. Усындай илажлардың бири “Қараөзек” аўыл пуқаралар жыйынында жайласқан 13-санлы мектепте өткерилди. Ушырасыўға “Нураный” қоры Қараөзек районлық бөлими баслығы, районлық Кеӊес депутаты М.Гулимбетов, усы аймақта сайланған депутат С.Мырзаев ҳәм аймақтағы үш әўлад ўәкиллери қатнасты. Илаж даўамында жасы үлкенлеримиз өзлериниң өмир жолы, Жаңа Өзбекстанды қурыўда, елимизде жаслардың айдын келешеги ушын әмелге асырылып атырған унамлы ɵзгерислер, нураныйларымыздың жәмийет ҳәм келешек әўлад алдындағы әдиўли ўазыйпаларына кеңнен тоқталып ɵтти. Ушырасыў даўамында жаслар өзлериниң қызықтырған сораўларына жуўапларын алды.