Xalq deputatlari viloyat Kengashi deputati Akbar Axtamov Pastdarg‘om tumanidagi “Boltali” mahallasida yashovchi saylovchilar bilan o‘tkazgan uchrashuvida, aholi o‘zlarini qiynab kelayotgan turli masalalarni o‘rtaga tashlashdi.

Xususan, fuqarolar mahalla hududidan o‘tuvchi Jag‘albo‘yli arig‘ini betonlashtirish borasida yordam ko‘rsatishni so‘radi. Ariqni betonlashtirish uchun kerak bo‘ladigan shag‘al toshlar, sement mahsulotlari keltirib qo‘yilgani, ammo nimagadir bu ish oxirigacha yetkazilmasdan to‘xtab qolganini takidlashdi.

Aholi shuningdek mahalla qabristoniga boruvchi yo‘lda bugun shag‘al ortilgan yuk mashinalari xarakatlanayotgani bois uni yaroqsiz holga keltirayotganidan shikoyat qilishib, shu masalada ham deputatdan amaliy yordam ko‘rsatishni so‘radi.